عليهم صابرٍ والصبر طول
عسى
انال في صبري شفاعه
سبب خلٍ عليه القلب يهمل
هميل العين ما كف
اندفاعه
عليه القلب من وكره تملل
يشوف الصيد في عالي رفاعه
حسين
اللون باوصافه تكمّل
تينّع مثل وردٍ في زراعه
عليه امن الدجى
كالليل يجهل
اذا هدّت مياديله ارباعه
وعينه مثل عين الحر
الاكحل
وخدٍ ياضي البارق شعاعه
ومهيوف الحشا والخصر الاعزل
على
جسمٍ تحلّيه القطاعه
عليه انوح دام الدوم واسأل
وقلبي م العنا
زاد التياعه
’’’’’’
يازهور العشب في غبَّ المطـر
يوم
علَّتها مراويح السَّحـاب
وياشبيه الورد من بين الزَّهـر
نظرتك
تجلى عن النَّفس العذاب
ماتشوف العين مِثلك في البشر
ياعديل
الرَّوح لاتطري الغياب
صابرٍ والثانيه عِنـدي شهـر
ماتطيق
الرَّوح فقدك والغيـاب
عن جميع البيض غضَّيت النَّظر
تاب قلبي
عن جميع البيض تاب
وغير زولك ماعلى بالي خطـر
لو تروح بعيد طيفك
مايغـاب
’’’’’’’
وقِّفتني لفتة الغـضَّ الهنـوف
شِفت
في عينه علامات الهـوى
جابته لي يوم جابتني الظَّـروف
الله
أعلم كيف جابتنـا سـوا
قِلت له بالخير يازين الخشـوف
مال مجروح
الهوى عِنَّـدك دوا
يامهاة الجيد كامِلة الوصـوف
ذاب قلبي مِن
غرامِك و إنكوى
وش يفيد الهرج مع كِثر الحلوف
لو عذلت القلب
عَنكم ماقوى
ماتشوف العين مِثلك ماتشوف
عقب تفريق الَّليالـي
والنَّـوى
’’’’’’’
ياشبيه صويحبي حسبي عليـك
كل
ماناظرت عينك شفت ذاك
شفت لونه في خدودك والعيون
في سلامك في
كلامك في حلاك
كل شيٍ فيك يطري به علـي
ياحلو بسمة حبيبي في
شفـاك
ماهقيت إنَّ القمر مثله قمـر
لين شفتك ياشبيه أحلى ملاك
ليتهم
سمَّوك بإسمـه وأستريـح
كلِّ ماناديتك أغلط في نـداك
’’’’’’
ذكَّرتني طلعة البدر نـور عيونـي
يوم
شفته هلَّت العبـره المخفيَّـه
من يلوم المغرم المولَّـع
المفتـونِ
لي تذكَّر شوف ابو وجنةٍ ورديَّـه
ليتهم ياسعود لي
روَّحوا مرَّونـي
مع غروب الشَّمس بقفاية العصريَّه
آتمنَّى
والتمنَّـي يزيـد غبونـي
غيَّبوا ياخوف ماعندهـم ماويَّـه
ليتني
في سجَّتي رحت ماصابونـي
من يدواي الجرح والعلَّه الدخليَّه
خبَّروني
عنه ضاق الحشا بشجوني
ماقويت الصَّبر حبَّه تمكـن فيَّـه
’’’’’
لا تسألوني ليه انا
عاشق خزامى
مستهام
اذا عـــرفتوني انــا
تــدرون وش ســر الـغرام
أصــلي
انـــا بـــيتي شـــعر
والبــر هـو ديــرة هلي
فرشي ثرى وسقفي
سما
وتــرابها غــالي عـليّ
اشفق على خزة ظبي
في طعس من
فوق الغدير
ومشاهدة سرب الـقطا
مــن روض للـــثاني يــــطير
الله
على شمس المغيب
والليل الى نسنس هواه
الضّــو تــــقدح
بـــالـــجمر
والنجم يقدح في سمــاه
’’’’’’’’’